Ħjar Mimli

Nota:  L-aħjar tip ta’ ġobon artab li tista’ tuża hu dak li jkollu xi ħwawar imħalltin miegħu.  Illum issib ġobon artab imħallat bit-tewm, żebbuġ, taħlita ta’ ħwawar, salamun eċċ.  Jekk ma ssibx, tista’ żżid int stess xi ħwawar tal-gosti tiegħek.  Qis li jkunu mqattgħin rqaq ħafna.

 

 

Ingredjenti

 

ħjar

ġobon artab

mascarpone

żebbuġ iswed u aħdar imqatta’ f’biċċiet żgħar

ħwawar tal-gosti tiegħek... jekk trid

bżar mitħun frisk u ftit melħ

 

 

Metodu

 

  • Aħsel il-ħjar u xxuttah tajjeb.

 

  • Aqta’ biċċa ħjara mit-tul b’vegetable peeler.  Jekk il-ħjara tinzerta twila ħafna, aqsam il-biċċa li tkun qtajt min-nofs.

 

  • Ħallat flimkien il-ġobon artab u l-mascarpone ġo skutella u roxx ftit bżar u melħ.  Jekk se żżid xi ħwawar, żidhom issa.  Ħawwad tajjeb l-ingredjenti flimkien.

 

  • Qiegħed il-biċċa ħjara fuq platt ċatt.  Idlek bit-taħlita tal-ġobon u gerbeb il-ħjara qisha kannol (ara r-ritratt).

 

  • Żejjen biż-żebbuġ fil-wiċċ u daħħal stikkadenti fin-nofs ta’ kull waħda biex ma tinfetaħx.

 

  • Qiegħed fil-friġġ u oħroġ fl-aħħar ħin qabel isservi.